सवड नाही प्रेम करायला.

ती  :- माझ्या नजरेस नजर मिळवू नकोस,
         माझ्या प्रेमात पडशील.
         हाती आले नाही तर
         आयुष्यभर रडत बसशील.
तो :- प्रेमात मी तुझ्या पडलोय
        जे नाही करायचं ते करून बसलोय.
ती :- प्रेम करायला सवड नाही.
        अजून ठरलेली निवड नाही.
तो :- निवडायचंय तर मला निवड.
        माझ्यात काय कमी आहे?
        मागशील ते देईल,
        तुझ्यासाठी तर जानही हाज़िर आहे.
ती :- मला जान नको.
        मला साथ हवी आहे.
        आयुष्यभर प्रेमाची बरसात हवी आहे.
        साथ हवी आहे जीवनाची.
        साथ हवी आहे आयुष्याची.
        संकटात लढण्याची.
        साथ हवी आहे सुख-दुःखाला,
        सामोरे जाण्याची.  
        मला स्वप्नातला राजकुमार नको.
        परिस्थितीतला माणूस हवा.
        माणुसकीतला माणूस हवा.
        आहेस तू तयार ?
        आयुष्य लढायला.
        संकटात सोबत द्यायला.
        तरच तयार आहे मी तुझी व्हायला.
        नाहीतर, हो बाजूला!
        सवड नाही मला प्रेम करायला.